Maktab haqida

Maktab haqida umumiy ma'lumot

Toshkent shahridagi Prezident maktabi Oʻzbekiston Respublikasi Prezidenti Shavkat Mirziyoyevning tashabbusi bilan 2019-yil 20-fevraldagi PQ-4199-sonli qarorga muvofiq tashkil etilgan. Mazkur ta’lim muassasasi mamlakatimizda iqtidorli bolalarni aniqlash, ularga ilgʻor texnologiyalar asosida jahon standartlariga mos ta'lim-tarbiya berish maqsadida ochilgan ilk namunaviy maktab hisoblanadi. Maktab internat (boarding school) tizimida faoliyat yuritadi. Unda oʻquvchilar haftasiga besh kun davomida to'liq yotoqxona, bepul oziq-ovqat va maxsus kiyim-bosh bilan ta'minlangan holda maktab hududida yashab, tahsil oladilar.

Bizning qarashlarimiz

Prezident maktablarining maqsadi - mamlakatning iste’dodli yoshlarini global jamiyatning ijodkor, innovatsion ishtirokchilari sifatida oʻz salohiyatini ro‘yobga chiqarishga undaydigan ta’lim imkoniyatlarini taqdim etish orqali Oʻzbekiston taraqqiyotiga faol va ijobiy hissa qoʻshadigan rahbarlarning keyingi avlodini tayyorlashdan iborat.

Bizning missiyamiz

Prezident maktablarining vazifasi iqtidorli oʻquvchilarning ta’lim tajribasini akademik mukammallik dasturi va O‘zbekiston kelajagiga hissa qo‘shish uchun bitiruvchilarning yetakchilik salohiyatini rivojlantirish uchun yaxlit ta’lim imkoniyatlari orqali oshirishdan iborat.

Prezident maktabi bitiruvchisining qiyofasi

Prezident maktabi bitiruvchisining qiyofasi maktabning maqsad va vazifalariga muvaffaqiyatli erisha oladigan oʻquvchining asosiy fazilatlarini belgilab beradi. Ushbu xislatlar ta'lim va tarbiya jarayonining pirovard maqsadlarini aniq koʻrsatib beradi.

Axloqli fuqaro

Men jamiyatga qo'shgan ijobiy hissam va axloqiy qarorlarim orqali O'zbekiston Respublikasi hamda jahon hamjamiyati oldidagi fuqarolik mas'uliyatimni namoyon etaman.

Tanqidiy fikrlovchi

Men murakkab muammolarning yechimini topish va ularni hayotga tatbiq etish uchun keng ko'lamli fanlar bo'yicha ishonchli hamda asosli dalillarga tayangan holda xulosalar chiqaraman.

Masʻuliyatli

Men oʻz xatti-harakatlarim va ularning oqibatlari uchun toʻliq mas'uliyatni oʻz zimmamga olaman, har qanday tavakkalchilikka esa oʻrganish va tajriba orttirish imkoniyati deb qarayman.

Akademik jihatdan tayyor

Men o'quv fanlarini mukammal egallaganligimni namoyish etaman hamda darslar, fan olimpiadalari va ilmiy izlanishlardagi yutuqlarim orqali o'z ustimda tinimsiz ishlayman.

Yetakchi

Men aniq yo'nalish ko'rsatish, umumiy maqsadlar sari ilhomlantirish, hamdardlik (empatiya) ko'rsatish va boshqalarning fikr-mulohazalarini hurmat qilish orqali jamoani ortimdan ergashtiraman.

Global fuqaro

Men o‘z madaniyatim va tariximni qadrlayman, boshqalarning qarashlari va qadriyatlarini hurmat qilaman hamda mamlakatim va dunyoning barqaror rivojlanishi uchun mas’uliyatni his qilaman.

Hamkorlikka tayyor

Men o'z g'oyalarim va ma'lumotlarni turli muloqot usullari orqali ishonchli hamda ijodiy tarzda ifodalay olaman. Muammolarni hal qilishda turli qarashlarni inobatga olaman va jamoaning har bir a'zosi bilan samarali hamkorlik qilaman

Sogʻlom va barkamol

Men oʻz zehnim, jismim va ruhiyatimni uygʻunlikda rivojlantiraman. Oʻzim va atrofimdagilarning farovonligiga erishishda hissiy muvozanat naqadar muhimligini anglayman.